وزیر اعظم کل کامیاب پاکستان پروگرام کا افتتاح کریں گے

  کامیاب پاکستان پروگرام کے افتتاح کی تیاری مکمل ، وزیر اعظم عمران خان کل چار اکتوبر کو پروگرام کا افتتاح کریں گے۔ 

نجی ٹی وی دنیا نیوز کے مطابق وزیر خزانہ شوکت ترین نے کہا کہ 1400 ارب کے قرضے 37 لاکھ گھرانوں کو دیئے جائیں گے، کامیاب پاکستان پروگرام غربت کے خاتمے میں کردار ادا کرے گا، یہ یقیناً پاکستان میں اپنی طرز کا پہلا پروگرام ہے جو معاشرے کے محروم طبقات کی زندگیاں بدلے گا، پروگرام بینکوں اور کم آمدن والے طبقات کو آپس میں جوڑے گا۔وزیر خزانہ کے مطابق یہ غریب کیلئے ریاست کے احساس ذمہ داری کی عملی تعبیر ہے اس پروگرام کے 5 جزو ہیں ، جس میں کسانوں کو بلا سود قرض ، شہریوں کو کاروبار کیلئے 5لاکھ تک بلا سود قرض ، اپنا گھر بنانے کیلئے فنانسنگ کی سہولت ، سکالر شپ اسکیم اور صحت انصاف کارڈ شامل ہیں۔

گھریلو ملازم بہن بھائی پر بدترین تشدد، مالکان جسم کو گرم لوہے سے داغتے رہے، بچی کے سر کے بال بھی مونڈ دئیے گیے

 گرین ٹاون کے علاقہ میں میاں بیوی نے کمسن گھریلو ملازم بھائی اور بہن کو تشدد کا نشانہ بناڈالا۔

تفصیلات کے مطابق گرین ٹاو
ن کے علاقہ میں میاں بیوی نے کھانا ٹھیک نہ بنانے پر گھریلو ملازم بھائی بہن کو تشدد کا نشانہ بنایا۔سپیشل کوآرڈینیٹر وزیراعلٰی اور چئیرپرسن چائلڈ پروٹیکشن بیورو سارہ احمد نے واقعہ کا نوٹس لیتے ہوئے میاں بیوی کے خلاف مقدمہ درج کرواتے ہوئے ان کو گرفتار کروادیا ہے۔سارہ احمد کے مطابق کمسن بہن بھائی گھریلو ملازمین کو مالکان نے کھانا ٹھیک نہ بنانے پر تشدد کا نشانہ بنایا۔مالکن نے ملازم بچے کے جسم کو گرم برتن سے داغا اور بچی کے سر کے بال کاٹ دئے۔تشدد کا نشانہ بننے والے گھریلو ملازمین کے والدین ملتان میں ہیں۔پولیس نے کارروائی کرتے ہوئے تشدد کرنے والے میاں بیوی کو گرفتار کر لیا ہے۔کمسن بچوں کو زبردستی کام پر رکھوانے والے والدین کے خلاف بھی کارروائی کی جائے گی۔

گوادر:سمندری طوفان گلا ب کے بعد اب ایک اور سسٹم شاہین کے نام پر مکران کے ساحل پر شدت اختیار کر گیا ہے

 

۔محکمہ موسمیات کے تازہ ترین اعلامیہ کے مطابق سمندری طوفان \''شاہین\'' کے پیش نظر شمال مشرق سے بحیرہ عرب میں مکران کوسٹ پر سمندری طوفان، شدید بارشوں کے ساتھ تیز ہواں کا قوی امکان ہے۔ بحرہ عرب کے شمال مشرقی سمندر پر گہری ڈپریشن کے ساتھ ایک چکروی طوفان شاہین میں شدت اختیار کر گیا ہے جس کا مرکز اندازے کے مطابق طول بلد 23.2 M اور طول البلد 66.5E ہے جو تقریبا کراچی کا جنوب مغرب 280 کلومیٹر، اورماڑہ کے 230 کلومیٹر اور 470 کلومیٹر گوادر کے قریب ہے۔ جس میں زیادہ سے زیادہ پائیدار سطحی ہوا فی گھنٹہ کی رفتار سے 65/85 کلومیٹر ہے اور سسٹم کے مرکز کے ارد گرد سمندر کی حالت بہت خراب ہے۔ ممکنہ طور پر یہ نظام اومان اور مکران کے ساحل کی طرف مغرب کی طرف بڑھے گا۔ مزید اس موسمی نظام کے اثرات میں بلوچستان کے گوادر، لسبیلہ، آواران، کیچ، خضدار، قلات اور پنجگور اضلاع میں 3 اکتوبر اتوار کی رات تک وسیع پیمانے پر بارش، تیز ہوائیں اور گرج چمک کے ساتھ موسلا دھار بارش کا امکان ہے۔ سمندری حالت 3 اکتوبر بروز اتوار تک اونچی لہر کے ساتھ انتہائی خراب رہے گی۔ ماہی گیروں کو مشورہ دیا گیا ہے کہ وہ 30 ستمبر سے 3 اکتوبر تک سمندر میں نہ جائیں۔ موسلادھار بارش گوادر، اورماڑہ، پسنی، جیوانی اور آندھی میں شہری سیلاب پیدا کر سکتی ہے جس سے انہیں نقصان پہنچ سکتا ہے۔

چڑیا گھر میں نوجوان چیتے کے پنجرے میں گر گیا ،

 

 بھارتی دارالحکومت نئی دہلی کے ایک چڑیا گھر میں ایک نوجوان چیتے کے پنجرے میں گر گیا جس کے بعد لوگوں نے ایسا ہولناک منظردیکھا 

کہ سن کر ہی آدمی وحشت زدہ رہ جائے۔ دی سن کے مطابق اس 20سالہ نوجوان کی شناخت مقصود کے نام سے ہوئی ہے جس کے متعلق چڑیا گھر کی انتظامیہ کا کہنا ہے کہ وہ خود چیتے کے پنجرے داخل ہوا تھا جبکہ عینی شاہدین کا کہنا ہے کہ وہ پاں پھسلنے سے پنجرے کے اند گراتھا۔منظرعام پر آنے والی ویڈیو میں دیکھا جا سکتا ہے کہ ایک چیتا مقصود پر حملہ آور ہوتا ہے اور مقصود انتہائی خوف کے عالم میں ہاتھ چلا رہا ہوتا ہے۔ اوپر موجود دیگر لوگ چیتے کو پتھر مار کر مقصود سے دور بھگانے کی کوشش کر رہے ہوتے ہیں مگر وہ ناکام رہتے ہیں۔ اگلے ہی لمحے چیتا بدقسمت نوجوان کو اپنے دانتوں میں دبوچ کر وہاں سے دور لوگوں کی نظروں سے اوجھل لے جاتا ہے اور چیرپھاڑ ڈالتا ہے۔عینی شاہدین کا کہنا ہے کہ چڑیا گھر کے عملے نے اس واقعے میں لاپرواہی کا مظاہرہ کیا۔ اگر عملہ بروقت کارروائی کرتا تو نوجوان کی جان بچائی جا سکتی تھی لیکن اطلاع کے باوجود عملے کا کوئی شخص وقت پر وہاں نہیں پہنچا۔ پرکاش کمار نامی عینی شاہد کا کہناتھا کہ چیتے کے اس پنجرے کے پاس کوئی گارڈ موجود نہیں تھا۔ وہاں موجود ہر شخص مددکے لیے چلا رہا تھا۔ کافی وقت گزرجانے کے بعد ایک گارڈ وہاں آیا۔واضح رہے کہ چڑیا گھر کے عملے نے 2گھنٹے بعد مقصود کی لاش چیتے کے اس پنجرے سے باہر نکالی

۔

ستمبر کے مہینے میں کون کونسی اشیا مہنگی ہوئیں؟ ادارہ شماریات نے رپورٹ جاری کردی

 ادارہ شماریات نے ستمبر کے مہینے میں مہنگائی کے حوالے سے رپورٹ جاری کردی ہے

۔ادارہ شماریات کی رپورٹ کے مطابق ستمبر میں مہنگائی کی شرح میں 9 فیصد اضافہ ہوا جو اگست میں 8.4 فیصد رہا تھا۔ ستمبر میں شہروں میں مہنگائی کی شرح میں 2 فیصد اور دیہات میں 2.29 فیصد اضافہ ہوا جس کے بعد شہروں میں مہنگائی کی شرح 9.13 فیصد اور دیہات میں 8.77 فیصد رہی۔گزشتہ ماہ شہروں میں چکن 42.4 فیصد، پیاز 32.49 فیصد، دال مسور 15.7 اور انڈے 14.6 فیصد مہنگے ہوئے جب کہ ایک ماہ میں آٹا 9.69 فیصد اور گندم 7.31 فیصد مہنگی ہوئی۔دالیں 5.98، سرسوں کا تیل 4.56، سبزیاں 3.9، کوکنگ ائل 3.64 ،چینی 3.04،چائے 2.78، مٹن 2، بجلی 11.40 اور ایل پی جی 7.22 فیصد مہنگی ہوئی۔

نیپرا میں عوامی شکایات پر ان لائن سماعت ، میپکو نے اوور بلنگ کا اعتراف کر لیا

  نیشنل الیکٹرک پاور ریگولیٹری اتھارٹی ( نیپرا)میں اوور بلنگ کے خلاف عوامی شکایات پر آن لائن سماعت ہوئی جس میں میپکو کی جانب سے اوور بلنگ کا اعتراف کر لیا گیا۔چیئرمین نیپرا توصیف ایچ فاروق کی زیر صدارت سماعت میں وائس چیئرمین نیپرا اور ممبر سندھ احمد شیخ بھی شریک ہوئے ، نیپرا حکام نے بریفنگ دی کہ میپکو نے اوور بلنگ تسلیم کر لی ہے ، چیئرمین نیپرا نے کہا کہ جب میپکو نے تسلیم کر لیا تو پھر ہمیں یقین ہو گیا اوور بلنگ ہوئی ہے۔نیپرا حکام کی جانب سے بتایا گی اکہ اوور بلنگ پر نیپرا کو 64درخواستیں موصول ہوئیں، کے الیکٹرک کی اوور بلنگ کے خلاف13درخواستیں موصول ہوئیں۔ دوران سماعت میپکو حکام کی جانب سے بتایا گیا کہ اوور بلنگ عید کی چھٹیوں کے باعث ہوئی ، جس پر چیئرمین نے کہا کہہم نے انصاف کرنا ہے ، اوور بلنگ کا اب تاثر ہی نہیں رہا ، یقین ہو گیا ہے ،صارفین کو اوور بلنگ کا نقصان کون پورا کرے گا؟۔سی ای او میپکو نے کہاکہ ہماری ہی کمپنی میں اوور بلنگ نہیں ہوئی ، سب کمپنیوں میں ہوئی ہے۔میپکو حکام نے بتایا کہ زیادہ اوور بلنگ 8سے 16 مئی تک ہوئی ، اوور بلنگ کی وجہ کورونا لاک ڈاو¿ن بھی تھا۔ ممبر خیبرپختونخوا مقصود انور نے پوچھا کہ کوئی ایسی کمپنی ہے جس نے اوور بلنگ نہ کی ہو۔ وائس چیئرمین نیپرا رفیق شخ نے کہا کہ اوور بلنگ کی کیا تحقیقات ہوئیں بتایا جائے۔چیئرمین نیپرا نے کہا کہ حکومت نے تو کورونا میں ضروری روسز بند نہیں کی تھیں ، ہمیں یہ بتایا جائے 33اور37دنوں کی بلنگ کا حل کیا ہے ، صارفین کو یہ ریلیف واپسی کا طریقہ کار بتائیں۔وائس چیئرمین نیپرا نے کہا کہ معاملہ ایسے حل نہیں ہوگا ، پاور انفارمیشن ٹیکنالوجی کمپنی کو بلائیں ، ہمیں بتایا جائے کن صارفین کے ساتھ زیادتی ہوئی۔

کسانوں کے مسائل ترجیحی بنیادوں پر حل کرنے کیلئے پاکستان سیٹیزن پورٹل پر خصوصی کیٹیگری الاٹ

  وفاقی حکومت نے کسانوں کے مسائل ترجیحی بنیادوں پر حل کرنے کیلئے اہم قدم اٹھا لیا، پاکستان سیٹیزن پورٹل پرکسانوں کے لیے خصوصی کیٹیگری آلاٹ کر دی گئی۔وزیر اعظم کی ہدایت پر کسانوں کے مسائل کے حل کے لیے صوبائی حکومتوں کو خصوصی ہدایت جاری کی گئی جس میں کہا گیا کہ افسران کسانوں کی شکایات کے فوری حل کے لیے اقدامات کریں، سرکاری افسران کسانوں کے مسائل کو ترجیحی بنیادوں پر حل کیا جائے۔وزیر اعظم ڈیلیوری یونٹ کی جانب سے تمام صوبائی حکومتوں کو مراسلہ جاری کیا گیا، وزیر اعظم افس کی جانب سے کہا گیا کہ کسان اپنے مسائل براہ راست سیٹیزن پورٹل پر درج کروا سکیں گے، کسانوں کو سرکاری دفاتر کے چکر نہیں لگانا پڑیں گے، چیف سیکریٹریز مسائل کے حل پر افسران کی سہ ماہی کارکردگی رپورٹ مرتب کریں۔ارسال کردہ مراسلے میں کہا گیا کہ کسانوں کے مسائل کے لیے 123 سرکاری افسران کو ذمہ داریاں تفویض کی گئی ہیں ، خیبر پختونخوا کے 43 پنجاب کے 57 افسران کو ذمہ داری دی گئی ہے، بلوچستان میں 12،سندھ میں چار،وفاق میں چار،آزادکشمیر میں دو اور گلگت میں ایک افسر کو ذمہ داری دی گئی۔ مراسلے میں کہا گیا کہ کسان کارڈ ،کھاد، بیج، پانی کی چوری، فصل، اجناس کی قیمتوں پر شکایات درج کروا سکیں گے،کیڑے مار دوائیاں اور دیگر 52مسائل کا ادراک بروقت ممکن ہو سکے گا،کسانوں کی آگاہی کے لیے ضلعی سطح پر مہم بھی چلائی جائے۔

پنجاب میں ڈینگی نے خطرے کی گھنٹی بجا دی ، متاثرین کی تعداد ایک ہزار659 تک پہنچ گئی

  پنجاب میں ڈینگی نے خطرے کی گھنٹی بجا دی گزشتہ 24 گھنٹوں میں ڈینگی سے متاثرہ 223 نئے کیسز سامنے آئے جس کے بعد صوبے میں ڈینگی متاثرین کی تعداد ایک ہزار 659 تک پہنچ چکی ہے۔

نجی ٹی وی جیو نیو زنے محکمہ صحت پنجاب کے حوالے سے کہا کہ گزشتہ روز لاہور میں ڈینگی کے 167 مریض رپورٹ ہوئے ، راولپنڈی میں 35، قصور میں چار اور نارووال میں تین مریض رپورٹ ہوئے۔ لاہور میں مجموعی طور پر ڈینگی کے ایک ہزار347کیسز سامنے آچکے ہیں    

سوشل میڈیا کمپنیوں سے ملکی قوانین پر عمل درآمد کروانے کے لیے حکومت نے بڑا فیصلہ کرلیا

اسلام آباد- وفاقی کابینہ نےسوشل میڈیا کمپنیوں سے ملکی قوانین پر عمل درآمد کروانے کے لیے نئے قوانین کی منظوری دیدی ہے۔ایکسپریس نیوز کے مطابق وزیراعظم عمران خان کی زیرِ صدارت وفاقی کابینہ کے اجلاس میں کابینہ نے سوشل میڈیا سے متعلق قوانین کی منظوری دے دی ہے۔ سوشل میڈیا کمپنیوں کو پاکستان کے قوانین کے تحت کام کرنا ہوگا۔حکومت نے سوشل میڈیا قوانین بین الاقوامی سوشل میڈیا کمپنیوں کے ساتھ شیئر کرنے کا بھی فیصلہ کیا ہے۔ سوشل میڈیا کمپنیوں کو طے کردہ حکومتی قواعد و ضوابط کے اندر رہ کر کام کرنے کی اجازت ہوگی

اسلام آباد: وفاقی وزیر اطلاعات فواد چوہدری کا کہنا ہے کہ میرٹ پر کیس چلا تو شہباز شریف 25 سال کییلیے جیل جاسکتے ہیں۔

 اسلام آباد: وفاقی وزیر اطلاعات فواد چوہدری کا کہنا ہے کہ میرٹ پر کیس چلا تو شہباز شریف 25 سال کییلیے جیل جاسکتے ہیں۔