ستمبر کے مہینے میں کون کونسی اشیا مہنگی ہوئیں؟ ادارہ شماریات نے رپورٹ جاری کردی

 ادارہ شماریات نے ستمبر کے مہینے میں مہنگائی کے حوالے سے رپورٹ جاری کردی ہے

۔ادارہ شماریات کی رپورٹ کے مطابق ستمبر میں مہنگائی کی شرح میں 9 فیصد اضافہ ہوا جو اگست میں 8.4 فیصد رہا تھا۔ ستمبر میں شہروں میں مہنگائی کی شرح میں 2 فیصد اور دیہات میں 2.29 فیصد اضافہ ہوا جس کے بعد شہروں میں مہنگائی کی شرح 9.13 فیصد اور دیہات میں 8.77 فیصد رہی۔گزشتہ ماہ شہروں میں چکن 42.4 فیصد، پیاز 32.49 فیصد، دال مسور 15.7 اور انڈے 14.6 فیصد مہنگے ہوئے جب کہ ایک ماہ میں آٹا 9.69 فیصد اور گندم 7.31 فیصد مہنگی ہوئی۔دالیں 5.98، سرسوں کا تیل 4.56، سبزیاں 3.9، کوکنگ ائل 3.64 ،چینی 3.04،چائے 2.78، مٹن 2، بجلی 11.40 اور ایل پی جی 7.22 فیصد مہنگی ہوئی۔